Lionel Messi er algjörlega óstöðvandi en Argentínumaðurinn sá um að tryggja Barcelona 2:0 útisigur gegn Eibar í spænsku 1. deildinni í knattspyrnu í kvöld.
Messi skoraði bæði mörk Börsunga, það fyrra úr vítaspyrnu, og hann er þar með orðinn markahæstur í deildinni. Messi hefur skorað 32 mörk, tveimur meira en Cristiano Ronaldo.
Barcelona náði með sigrinum fjögurra stiga forskoti á Real Madrid í toppsætinu en Real Madrid mætir Levante á heimavelli á morgun.