Kínverska kvennalandsliðið í knattspyrnu hefur ekki farið vel af stað undir stjórn Sigurðar Ragnars Eyjólfssonar.
Kína tapaði í morgun fyrir Norður-Kóreu, 2:0, í úrslitakeppni Austur-Asíumótsins sem fram fer í Japan og skoraði Yun-Mi Kim bæði mörk N-Kóreu.
Kínverska landsliðið hefur þar með tapað öllum þremur leikjum sínum undir stjórn Sigurðar Ragnars en liðið beið ósigur gegn Áströlum í tveimur vináttuleikjum á dögunum, þeim fyrri 3:0 og þeim síðari 5:1.