Kom dæmdum afbrotamönnum til varnar
Setja bókamerki
Hollenski knattspyrnumaðurinn Memphis Depay kom dæmdum afbrotamönnum til varnar í viðtali.
Var hann til viðtals við hollenska miðilinn nos. Þar sagði Hollendingurinn að leikmennirnir Quincy Promes, Dani Alves og Benjamin Mendy væru aðrir en sagt er frá í fjölmiðlum.
„Sá Quincy Promes sem ég þekki er ekki sá sem þið lesið um. Hann mun ávallt vera vinur minn. Ég styð ekki það sem hann gerði en ég mun ekki snúa baki mínu við hann.
Ég kem ekki frá auðveldu umhverfi. Ef fólk les bókina mína munu þau skilja þetta. Dani Alves og Benjamin Mendy eru einnig vinir mínir,“ sagði Depay.
Dæmdir í fangelsi
Promes, sem leikur með Spartak Moskvu í Rússlandi, var dæmdur í sex ára fangelsi í Hollandi fyrir aðild sína að smygli á meira en einu tonni af kókaíni í gegnum höfnina í Antwerp í Belgíu. Á síðasta ári var hann dæmdur í eins og hálfs árs fangelsi fyrir að stinga fjölskyldumeðlim.
Dani Alves var þá dæmdur í fjögurra og hálfs árs fangelsi eftir að hafa verið fundinn sekur um kynferðisbrot.
Þá er Benjamin Mendy laus allra mála en hann var sýknaður af ákærum gegn sér um nauðgun og tilraun til nauðgunar.
Væri að ljúga ef ég segðist ekki stressaður
Breytingar á skipulagi fréttadeildar RÚV
Hvorki sést áður hér á landi né annars staðar
Strand skemmtiferðaskips kallar á erlenda aðstoð
Rothissa á vinnubrögðum forystu BÍ
Krefjast stöðvunar framkvæmda
Frambjóðendur skila inn listum í Hörpu