Akureyringurinn Páll Tómas Finnsson var útnefndur besti leikmaður nýafstaðins Evrópumeistaramóts í andspyrnu (áströlskum fótbolta). Þetta er frábær viðurkenning fyrir Pál sem og íslenska andspyrnu.
Auk Páls var Leifur Bjarnason valinn í úrvalslið keppninnar.
Ísland tapaði síðasta leik sínum í mótinu gegn Króatíu, 125:83, og varð því í 6. sæti. Páll Tómas og Valdimar Gunnarsson voru markahæstir Íslendinga en þeir skoruðu fjögur mörk hvor í leiknum.
Írar urðu Evrópumeistarar eftir sigur á Dönum í æsispennandi úrslitaleik, 68:51, og Svíar urðu í 3. sæti eftir sigur á Bretum, 39:29.
Hægt er að lesa sér til um andspyrnu með því að smella hér, og allar nánari upplýsingar um íþróttina hér á landi má sjá á andspyrna.is.