Bandaríkjamaðurinn Lance Armstrong sem eftirminnilega féll af háum stalli sínum sem einn mesti hjólreiðagarpur sögunnar er mönnum enn ofarlega í huga, ekki síst í heimi keppnishjólreiða. Þeir sem þekkja til segja að atvinnumennska í hjólreiðum verði aldrei litin sömu augum.

Alþjóða hjólreiðasambandsins (UCI)setti bandaríska hjólreiðagarpinn í ævilangt bann og afmáði nafn hans úr afrekaskrám í síðasta mánuði. Þar á meðal var Armstrong sviptur titlum fyrir sjö sigra í Frakklandsreiðinni (Tour de France), mestu hjólreiðakeppni heims.

Armstrong hefur verið sagður lykilmaður í „flóknasta, faglegasta og árangursríkasta lyfjanotkunarverkefni sem íþóttirnar hafa nokkru sinni séð“. Árangur hans og sýnileiki varð eitt sinn til að auka vinsældir hjólreiða í Bandaríkjunum með meiri og viðvarandi hætti en áður. En nú er öldin önnur og enn ófyrirséð hvaða áhrif fall Armstrongs - og fleiri hjólreiðakappa - kemur til með að hafa á greinina.

Tengdar fréttir

Lance Armstrong

Neytti fyrst ólöglegra lyfja árið 1993

• Armstrong hjólar í Frakklandi
• „Ég hefði haldið áfram að ljúga“
• Liðsstjóri Armstrong fær 10 ára bann
• Ætlar að vera 100% hreinskilinn

» Fleiri tengdar fréttir

• Blogga um frétt