ÍBV leikur sinn fyrsta bikarúrslitaleik í sex ár þegar liðið mætir Val í úrslitaleik Eimskipsbikarkeppni kvenna í handknattleik í Laugardalshöllinni á laugardaginn.
Þórsteina Sigurbjörnsdóttir hefur verið atkvæðamikil í undanförnum leikjum en hún var í ÍBV-liðinu sem varð bikarmeistari 2004 eftir sigur á Haukum 35:32 í úrslitaleik.
„Það er orðið nokkuð langt síðan og við erum orðin rosa spennt. Stemningin er mjög góð, bæði í félaginu og á eyjunni. Það fylgjast allir með þessu og spennan er virkilega mikil. Þetta er náttúrlega skemmtilegasti leikurinn á tímabilinu. Þetta er öðruvísi leikur og leikur þar sem allt getur gerst,“ sagði Þórsteina þegar Morgunblaðið hafði samband við hana í gær og hún segir stefnt að því að fara upp á land á morgun.
Nánar í íþróttablaði Morgunblaðsins í dag.