Körfuknattleiksmaðurinn Patrick Beverley, sem leikur með Milwaukee Bucks, hefur verið úrskurðaður í fjögurra leIkja bann af NBA-deildinni.
Fékk hann bannið fyrir að kasta bolta í stuðningsmann Indiana Pacers er Milwaukee tapaði fyrir Indiana-liðinu 2. maí.
Atvikið átti sér stað undir lok leiks en Beverley hafði átt í orðaskiptum við stuðningsmanninn.
Indiana vann einvígið, 4:2, en Milwaukee-liðið stóð engan veginn undir væntingum tímabilsins. Þar sem Milwaukee leikur ekki meira á þessu tímabili tekur bannið gildi á því næsta.
Beverley hefur áður lent í vandræðum en hann var úrskurðaur í þriggja leikja bann í nóvember 2022 fyrir að hrinda andstæðingi.