Hagnaður Landsbankans 40,2 milljarðar króna
Setja bókamerki
Hagnaður Landsbankans eftir skatta var 40,2 milljarðar króna á síðasta ári sem er 61% aukning frá fyrra ári er hagnaður bankans nam 25 milljörðum króna. Grunntekjur samstæðunnar (vaxtamunur og þjónustutekjur) námu tæpum 70 milljörðum króna og jukust þær um 30 milljarða króna eða 76%.
Í tilkynningu frá Landsbankanum kemur fram að arðsemi eigin fjár eftir skatta var 36,3%. Kostnaðarhlutfall tímabilsins reiknast 43,2%. Gengismunur og fjárfestingatekjur námu 19,6 milljörðum króna samanborið við 21,3 milljarða króna á árinu 2005.
Tekjur af erlendri starfsemi 52% af tekjum bankans
Tekjur af erlendri starfsemi námu 46,6 milljörðum króna eða 52% af heildartekjum samanborið við 10,4 milljarða króna og 17% á árinu 2005. Er þetta í fyrsta sinn sem tekjur af erlendri starfsemi eru hærri en á Íslandi.
Heildareignir bankans námu 2.173 milljörðum króna í árslok 2006. Heildareignir bankans í evrum námu 23,2 milljörðum í lok árs 2006 samanborið við 18,8 milljarða evra í byrjun ársins.
Innlán viðskiptavina jukust um 104% á árinu og námu 683 milljörðum króna í árslok 2006. Nema innlánin tæplega 50% af heildarútlánum til viðskiptavina. · Eiginfjárhlutfall (CAD) var 14,8% í árslok 2006. Eiginfjárþáttur A var 13,0%.
Á fjórða ársfjórðungi nam hagnaður Landsbankans eftir skatta 14,1 milljarði króna. Hreinar rekstrartekjur fjórða ársfjórðungs námu 24,8 milljörðum króna samanborið við 18,5 milljarða króna á þriðja ársfjórðungi. Kostnaðarhlutfall fjórða ársfjórðungs 2006 reiknast 44,4%. Útlán til viðskiptavina jukust um 135 milljarða króna á fjórða ársfjórðungi á meðan innlán frá viðskiptavinum jukust um 170 milljarða króna.
Sigurjón Þ. Árnason bankastjóri Landsbankans segir í fréttatilkynningu, að vel hafi tekist til með fjármögnun bankans bæði með skuldabréfaútgáfum og ekki síður með nýjum innlánaafurðum. „Innlán sem hlutfall af útlánum til viðskiptavina eru nú tæplega 50% samanborið við 34% í byrjun ársins. Stór þáttur þessar velgengni má þakka sérstaklega vel heppnaðri innkomu Icesave á Bretlandsmarkað á 4. ársfjórðungi, en innlán Icsave námu tæpum 110 milljörðum króna í lok ársins.”
Áhyggjur að hluta til byggðar á misskilningi segir bankastjóri Landsbankans
Halldór J. Kristjánsson bankastjóri Landsbankans segir í fréttatilkynningu að mikil umræða var um íslenskt efnahagslíf og um íslenska fjármálakerfið framan af árinu 2006. Erlendir markaðs- og greiningaraðilar höfðu áhyggjur af skammtímaaðlögun íslenska hagkerfisins og áhrifa hennar á fjármögnun og rekstur bankanna.
„Að hluta til voru áhyggjur byggðar á misskilningi, en það var leiðrétt með með öflugri upplýsingagjöf. Landsbankinn brást hinsvegar ákveðið við öðrum ábendingum í umræðunni sem stjórnendur bankans mátu réttar. Í því efni hefur bankinn tekið ákvarðanir sem miða að því a draga úr markaðsáhættu og auka verulega hlutfall innlána í heildarfjármögnun. Jafnframt styrkti bankinn CAD eiginfé á árinu. Þetta ásamt markvissri samþættingu starfsstöðva móðurfélags og dótturfélaga hér heima og erlendis gerir bankann mjög vel í stakk búinn að sækja áfram í harðri samkeppni á alþjóðlegum fjármálamörkuðum. Landsbankinn treysti mjög fjármögnun samstæðunnar á árinu og ber þar hæst vel heppnað skuldabréfaútboði í Bandaríkjunum og svo einstök innkoma á breska innlánamarkaðinn. Lausafjárstaða bankans er því mjög sterk og nær nú þegar að standa undir afborgunum langtímaskulda til næstu tveggja ára.”
Tillaga um 40% arð
Aðalfundur Landsbankans verður haldinn föstudaginn 9. febrúar kl.
16 á Grand hótel.
Á fundi sínum í dag samþykkti bankaráð að
leggja til við aðalfund að hann veiti
bankaráðinu heimild til að greiddur verði
40% arður til hluthafa.Gjalddagi arðs verður 7. mars.
Segir forseta þingsins segja ósatt frá fundinum
Mannbjörg þegar strandveiðibátur sökk
Baldur: Það má ekki gelda embættið
Guðmundur Fertram tilnefndur
Kemur ekki til greina að semja við ESB
Vænta þess að um tímabundið ástand sé að ræða
Útlendingafrumvarpið á dagskrá á morgun