Bandaríkin boða aðgerðir gegn skulda

Bandarísk stjórnvöld hafa boðað aðgerðir sem vonast er til að bindi enda á kreppuna á fjármálamörkuðum.

Henry Paulson, fjármálaráðherra, og Ben Bernanke, seðlabankastjóri sátu í gærkvöld fund með leiðtogum Bandaríkjaþings, en menn heita því að bregðast hratt við vegna óróans á fjármálamörkuðum. Paulson hefur ekki fengist til þess að upplýsa nánar í hverju aðgerðirnar gætu fólgist. Hann legur áherslu á að aðgerðirnar þurfi samþykki Bandaríkjaþings, enda muni þær fela í sér lagabreytingu. 

Fréttaskýrendum greinir á um hvort fyrirhugaðar aðgerðir muni fela í sér löggjöf sem myndi skylda lánastofnanir til að endursemja um þau lán sem íbúðareigendur eiga í erfiðleikum með að greiða eða hvort komið verði á sérstökum sjóði sem hafi það að hlutverki að kaupa svo kölluð undirmálslán af bankakerfinu.

• 1 blogg um fréttina

Bloggað um fréttina

• Jakob Falur Kristinsson: Boða aðgerðir