Eftir Þóru Kristínu Ásgeirsdóttur MBL Sjónvarpi.
Þorsteinn Már Baldvinsson stjórnarformaður Glitnis segist afar ósáttur við hvernig fór með kaup ríkisins á sjötíu og fimm prósentum í bankanum. Honum sé skylt að gæta hagsmuna hluthafa og það hafi ekki tekist. Hann hitti forsætisráðherra á fundi í stjórnarráðinu eftir hádegi.
Á fundi fulltrúa ríkisstjórnarinnar með talsmönnum Stoða í morgun var komið inn á áhrifin á hina bankana samkvæmt heimildum fréttastofu. Fram kom í máli talsmanna Stoða að áhrifin á eigið fé hinna bankanna gætu numið tugum milljarða þar sem þeir ættu útistandandi veð í Glitni og félögum tengdum bankanum. Áhrifin á Landsbankann yrðu mun meiri en á Kaupþing, Þetta hefur þó ekki fengist staðfest. Ljóst er að margar auðugustu fjölskyldur landsins tapa á ríkisvæðingu Glitnis, Baugsfjölskyldan þó mest.