Hollensk stjórnvöld þjóðnýta bankastarfsemi Fortis
Vegfarandi gengur fram hjá höfuðstöðvum Fortis í Brussel.
Reuters
Setja bókamerki
Hollensk stjórnvöld staðfestu í dag, að hollenska ríkið væri að yfirtaka starfsemi bankans Fortis í Hollandi og muni reiða fram 16,8 milljarða evra, jafnvirði rúmlega 2600 milljarða króna. Um síðustu helgi tilkynntu ríkisstjórnir Hollands, Belgíu og Lúxemborgar að þær myndu leggja bankanum til samtals 11,2 milljarða evra en það reyndist ekki duga til.
Meðal þess, sem hollenska ríkið yfirtekur er starfsemi ABN Amro bankans í Hollandi, sem Fortis keypti ásamt tveimur öðrum bönkum fyrir 71 milljarð evra fyrir réttu ári. Þau kaup reyndust vera Fortis um megn.
Fortis er með höfuðstöðvar í Benelux-löndunum þremur en í dag tilkynnt að bankanum yrði skipt upp og hollenska ríkið myndi þjóðnýta eigur bankans þar í landi.
Vantar fólk: „Þetta er gaman en það er ekki nóg“
„Trúlega rákumst við saman“
Rannsaka drómasýki í hestum
„Bíð bara eftir að það fari að gjósa aftur“
Ástand Ficos stöðugt en „mjög alvarlegt“
Mennirnir í haldi lögreglunnar á Suðurnesjum
Opin fyrir almennri kosningu biskups
Um 70 jarðskjálftar í kvikuganginum