Japanar vilja að IMF byrji hér
Setja bókamerki
Japönsk stjórnvöld segjast munu leggja það til á fundi G7 ríkjanna svonefndu í Washington í dag að Íslandi verði komið til aðstoðar gegnum Alþjóðagjaldeyrissjóðinn. Reutersfréttastofan hefur þetta eftir Taro Aso, forsætisráðherra Japana.
Fram kom á blaðamannafundi Geirs H. Haarde, forsætisráðherra, og Björgvins G. Sigurðssonar, viðskiptaráðherra, í dag, að verið væri að kanna hvaða skilyrði IMF myndi setja fyrir því að setja upp svonefnda áætlun fyrir Ísland. Engin ákvörðun hefði hins vegar verið tekin um hvort aðstoðar sjóðsins yrði leitað.
Reuters segir, að Japanir séu reiðubúnir að styrkja IMF til að aðstoða þau lönd sem orðið hafa illa úti vegna fjármálakreppunnar. „Ef IMF getur eitthvað lagt að mörgum vil ég að það sé gert með sveigjanlegum hætti. Japan mun vinna að því, m.a. með því að leggja sjóðnum til fjármagn," sagði Shoichi Nakagawa, fjármálaráðherra, við blaðamenn í Washington í dag. „Japanar eru reiðubúnir til að taka forustu um að styðja lönd með því að útvega fjármagn," bætti hann við.
Samkvæmt áætlun Japana þurfa lönd, sem óska eftir fjármagni úr sjóðnum, að leggja fram áætlun um hvernig fjármálakerfið verði endurskipulagt, þar á meðal að afskrifa svonefnd undirmálslán og aðrar verðlitlar eignir. Reuters segir ekki ljóst, hvort sett verði önnur skilyrði af hálfu sjóðsins við þessar aðstæður en venjulega er gert.
Strand skemmtiferðaskips kallar á erlenda aðstoð
Shakespeare fannst í skókassa
Sex hafa greinst með listeríu
Telur forsendur fyrir vaxtalækkun
Kostnaður meiri en milljón á fermetra
Bergnuminn í Hvalfirði
Skar höfuðleðrið af íslenskri konu