IMF hittir fyrirtæki

Sendinefnd frá Alþjóðagjaldeyrissjóðnum er komin til landsins. Mun nefndin, sem í eru ellefu manns, skoða endurreisn efnahagslífsins sem m.a. byggist á samstarfi við sjóðinn.

Fulltrúar í sendinefndinni eru líka búnir að skipuleggja fundi með stjórnendum stórra íslenskra fyrirtækja. Markmiðið er að fara aðeins dýpra í greiningu á ástandinu meðal annars með því að heyra sjónarmið stjórnenda og hvaða lausnir þeir sjá fyrir sér. Heimsóknin er liður í reglubundinni úttekt Alþjóðagjaldeyrissjóðsins á stöðu þjóðarbúsins. Ákveðnar forsendur þurfa að vera fyrir hendi fyrir frekari lánveitingum sjóðsins til Íslands.