Áfram stefnt að skráningu

Áfram er unnið að skráningu smásöluverslanakeðjunnar Haga á markað, samkvæmt upplýsingum frá Arion banka.

Greint var frá því í Viðskiptablaðinu í gær að til greina kæmi að selja stóran hlut í fyrirtækinu til sterks fjárfestis, jafnvel allt að 30% hlut í fyrirtækinu.

Berghildur Erla Bernharðsdóttir, upplýsingafulltrúi Arion banka, sagði í samtali við Morgunblaðið í gær að fyrirætlanir bankans varðandi Haga væru óbreyttar og áfram væri unnið að skráningarferlinu.

Sjá nánar um þetta mál í viðskiptablaði Morgunblaðsins í dag.