Segir að Jón Ásgeir muni hætta í stjórn Iceland
Jón Ásgeir Jóhannesson.
mbl.is/Ómar
Setja bókamerki
Breska blaðið Mail on Sunday fullyrðir, að Jón Ásgeir Jóhannesson muni nú um helgina segja sig úr stjórn verslunarkeðjunnar Iceland þar sem hann hefur setið í umboði skilanefndar Landsbankans. Jón Ásgeir sagði sig úr stjórn verslunarkeðjunnar House of Fraser í vikunni.
Ákvörðun Jóns Ásgeirs stafar af því, að breskur dómstóll féllst í vikunni á kröfu slitastjórnar Glitnis um að kyrrsetja allar eigur hans hvar sem er í heiminum til tryggingar á skaðabótakröfu, sem slitastjórnin hefur lagt fram.
Krefst slitastjórnin þess að Jón Ásgeir og sex aðrir nafngreindir einstaklingar, sem tengdust Glitni, greiði samtals 2 milljarða dala í skaðabætur fyrir að ræna bankann innanfrá eins og sagði í tilkynningu slitastjórnarinnar.
„Það er ekki sjálfsagt að kaupa vopn“
„Lífið er gott og ég meina það“
Gætu verið sektuð um 192 milljarða
Her Taívans bregst við heræfingum Kínverja
Dregið á asnaeyrum
Sokkni selfangarinn var frá Noregi