Stefnt að sölu ríkisbréfa fyrir 120 milljarða króna

Stefnt að því að selja ríkisbréf fyrir samtals 120 milljarða króna árið 2011, þar af er áætlað að selja ríkisbréf fyrir 30-50 milljarða króna á fyrsta ársfjórðungi, samkvæmt lánaáætlun ríkissjóðs fyrir árið 2011.

Ákveðið hefur verið að halda áfram uppbyggingu á RIKB 12 0824 skuldabréfaflokksins en hann var upphaflega gefinn út sem tveggja ára flokkur í ágúst sl. og er nú 30 milljarðar króna að stærð. Fyrirhugað er að selja bréf í flokknum fyrir 5-15 milljarða króna á fyrsta ársfjórðungi.

Einnig verður haldið áfram uppbyggingu á 5 ára flokknum RIKB 16 1013 sem var fyrst gefinn út í október sl. og er nú 21,6 ma.kr. að stærð. Fyrirhugað er að selja bréf í flokknum fyrir 5-15 ma.kr. á fyrsta ársfjórðungi.

Nýr 20 ára óverðtryggður ríkisbréfaflokkur verður gefinn út fljótlega á næsta ári. Áætluð sala í flokknum er 15-25 ma.kr. á fyrsta ársfjórðungi. Flokkurinn verður með sambærilega uppbyggingu og önnur óverðtryggð ríkisbréf.

• 1 blogg um fréttina

Bloggað um fréttina

• Jóna Kolbrún Garðarsdóttir: Afhverju ekki að fara þessa leið?