Stúdentagarðar stærsta verkefnið

Nýlega birti Seðlabanki Íslands uppfærða stöðu af hagvexti síðasta árs. Lækkaði áætlaður hagvöxtur um nærri þriðjung, eða úr 3% niður í 2,2%. Ársæll Valfells, lektor við viðskiptafræðideild Háskóla Íslands, er gestur Sigurðar Más í viðskiptaþættinum að þessu sinni. Hann segir að rúmlega 2% hagvöxtur dugi ekki miðað við núverandi skuldsetningu ríkissjóðs. 

Þá leggur hann til að menn horfi á stöðuna eins og hún er og upp úr línuritunum. Segir hann að horfa þurfi til alvöru fjárfestinga með framtíðarhagsmuni í huga. „Stærstu framkvæmdir á Íslandi í dag eru stúdentagarðar og eldi við Reykjanes. Ég held að þetta séu tvær stærstu fjárfestingarnar. Stúdentagarðarnir, það má telja að það sé samfélagslegur ábati af því að niðurgreiða leigu ofan í stúdenta til framtíðar, en það er ekki stórvægileg fjárfesting þannig sé.“

Segir hann helstu áhrifaþætti af hagvexti í dag vera aukna samneyslu, svo sem Vaðlaheiðagöng og önnur verkefni sem séu kostuð af sköttum, en auk þess skammtímaleiðir til að minnka atvinnuleysi eins og fyrrgreindar framkvæmdir. 

• Blogga um frétt