Tryggingarsjóður innstæðueigenda velur MP banka

Tryggingarsjóður  innstæðueigenda hefur valið eignastýringu MP banka til að stýra eignasafni sjóðsins. Alls sóttu 10 aðilar um að stýra eignum Tryggingarsjóðsins en einungis  3 aðilar voru valdir eftir ítarlegt umsóknarferli. Í faglegu matsferli útboðsins voru margir þættir skoðaðir, svo sem reynsla, árangursmat, kostnaður, stöðugleiki rekstrar og sérstakt mat sjóðsins. Þetta kemur fram í tilkynningu frá MP banka.

Sigurður  Hannesson, framkvæmdastjóri eignastýringarsviðs MP banka, segir bankann horfa til frekari vaxta á þessu sviði á næstunni. „Við  í  eignastýringunni erum stolt og ánægð að hafa verið valin til að ávaxta eignsafn Tryggingarsjóðs innstæðueigenda. Við höfum verið að efla starfsemi okkar á þessu sviði verulega og horfum til frekari vaxtar á næstu misserum. Við hjá MP banka þekkjum vel til TIF en bankinn sýndi mjög góðan árangur í ávöxtun eigna TIF árin 2007-2008 og stefnum ótrauð aftur að framúrskarandi árangri,“ segir hann.

• Blogga um frétt