21% yfir meðaltali ESB-ríkja

Samkvæmt fyrstu bráðabirgðatölum fyrir árið 2014 var magn vergrar landsframleiðslu á íbúa á Íslandi 21% yfir meðaltali Evrópusambandsríkjanna 28 árið 2014.

Í samanburði 37 Evrópuríkja, þ.e. Evrópusambandsríkjanna auk Íslands, Noregs, Sviss, Tyrklands, Svartfjallalands, Serbíu, Bosníu-Hersegóvínu, Albaníu og Makedóníu var Ísland tíunda í röðinni yfir verga landsframleiðslu á íbúa sama ár.

Þetta kemur fram á vef Hagstofunnar.

Magn vergrar landsframleiðslu á íbúa var mest í Lúxemborg, 163% yfir meðaltali Evrópusambandsríkjanna, en þar á eftir kom Noregur þar sem verg landsframleiðsla á íbúa var 79% yfir meðaltalinu. Lúxemborg sker sig úr hópnum en líta verður til þess að fjöldi fólks vinnur og verslar í landinu og leggur til landsframleiðslunnar, en býr utan landsins og telst því ekki til íbúafjöldans.
 

• 1 blogg um fréttina

Bloggað um fréttina

• Páll Vilhjálmsson: Ísland stendur sig betur en ESB-ríki