Isavia skrifaði á dögunum undir samning við fyrirtækið secunet um uppsetningu sjálfvirkra landamærahliða á Keflavíkurflugvelli.

Samningurinn er gerður að undangengnu útboði og í samstarfi við ríkislögreglustjóra og lögreglustjórann á Suðurnesjum, en landamæraeftirlit á Keflavíkurflugvelli er framkvæmt af lögreglunni.

Alls verða tólf hlið sett upp í sumar og er gert ráð fyrir að þau muni hraða afgreiðslu í landamæraeftirliti og auka þægindi farþega, segir í fréttatilkynningu. 

Sjálfvirk landamærahlið lesa upplýsingar í vegabréfi farþega auk þess að bera myndina í vegabréfinu við mynd sem hliðið tekur af farþeganum á flugvellinum. Landamæraeftirlitið fylgist með notkun og taka lögreglan og landamæraverðir við ef hliðin telja að skoða þurfi ákveðið vegabréf betur.

Tengdar fréttir

Ferðamenn á Íslandi

Vonlaust ástand og okkur til skammar

• Farþegum fjölgaði um 10% í ágúst
• Ánægja með ferðaþjónustuna fer minnkandi
• Meiri ánægja með ferðamenn þegar þeim fækkar
• Reglur um drónaflug þverbrotnar

» Fleiri tengdar fréttir

• Blogga um frétt