Hlutabréf í Eimskip hafa lækkað um 6,9% það sem af er degi í Kauphöllinni en í gær var tilkynnt að stærsti hluthafinn, Yucaipa Companies, væri að skoða sölu á sínum hlut.
Í krónum talið lækkuðu bréfin um 7 krónur og þurrkuðust þannig 1,4 milljarðar út í Kauphöllinni.
Yucaipa Companies fer með 25,3% hlut í Eimskip og nemur virði hans tæpum 14 milljörðum króna. Félagið var meðal lánardrottna Eimskips í endurskipulagningu félagsins árið 2009. Þá var hluturinn 32% en árið 2012 seldi Yucaipa 7% til Lífeyrissjóðs verzlunarmanna.