Ánægjulegt hefur verið að fylgjast með því hvernig fyrirtæki hafa brugðist við mjög krefjandi aðstæðum í hagkerfinu síðustu misseri. Þetta segir Birna Einarsdóttir bankastjóri Íslandsbanka.
Hún er gestur í Dagmálum í dag. Segir hún að greiðsluvilji fyrirtækja sé mikill í ástandi þar sem bankinn þurfti að færa talsverða fjármuni á afskriftareikning og frysta lán fjölmargra viðskiptavina.
„Við erum núna að vinna að því með okkar viðskiptavinum að koma þeim aftur í greiðsluferli, því það var náttúrulega mikið um frystingar. Mér finnst það ganga ótrúlega vel og mér finnst mikill greiðsluvilji og kraftur í atvinnulífinu. Ég hef verið mjög ánægð að sjá hvernig fyrirtækin hafa brugðist við.“
Birna er gestur Stefáns Einars Stefánssonar í Dagmálum.
Þátturinn er opinn öllum áskrifendum Morgunblaðsins og má nálgast þá á mbl.is.
Hægt er að horfa á þáttinn í heild sinni hér.