Verðbólgan lækkar niður í 7,6%

Tólf mánaða verðbólga mæl­ist nú 7,6% og minnk­ar frá júní­mánuði þegar verðbólg­an mæld­ist 8,9%. Þetta kemur fram í nýútgefnum gögnum Hagstofunnar.

„Síðastliðna tólf mánuði hefur vísitala neysluverðs hækkað um 7,6% og vísitala neysluverðs án húsnæðis um 7,1%,“ segir á vef Hagstofunnar.

Frétt af mbl.is

Verðbólgan minnkar

Vísitala neysluverðs miðað við verðlag í júlí 2023 hækkar um 0,03% frá síðasta mánuði og er 595,8 stig.

Vísitala neysluverðs án húsnæðis er 492,1 stig og hækkar um 0,20% frá júní 2023.

Sumarútsölur höfðu áhrif á lækkun verðbólgu en verð á fötum og skóm lækkaði um 8,7%.

Reiknuð húsaleiga, kostnaður vegna búsetu í eigin húsnæði, lækkaði um 0,7%. Á móti kemur að flugfargjöld til útlanda hækkuðu um 13,9%.

• 1 blogg um fréttina

Bloggað um fréttina

• Jóhann Elíasson: ER ÞAÐ STÝRIVAXTASTIGINU AÐ ÞAKKA AÐ VERÐBÓLGAN LÆKKAR????