Fyrsta stýrivaxtalækkun Svía í átta ár

Sænski seðlabankinn lækkaði í dag stýrivexti sína úr 4,0 í 3,75 prósent sem er fyrsta stýrivaxtalækkun þar í landi í átta ár. Telja fræðingar hagmála þar ytra að furðum hefði sætt hefði ákvörðun bankans orðið önnur.

„Þetta er kærkomið og jákvætt. Ákvörðunin stuðlar að auknum kaupmætti heimilanna miðað við grunnlaun,“ segir Erik Thedéen seðlabankastjóri.

Forðast að koma á óvart

Miðað við verðbólguhorfur í Svíþjóð gerir bankinn ráð fyrir að lækka megi stýrivexti tvisvar í viðbót næsta hálfa árið.

„Bankinn stígur varlega til jarðar og forðast að koma á óvart,“ segir Alexander Norén, helsti álitsgjafi sænska rikisútvarpsins SVT um málefni hagfræðinnar, og kveðst sannfærður um að engar upp- og niðursveiflur séu væntanlegar í sænskum stýrivöxtum á næstunni.

NRK

• 1 blogg um fréttina

Bloggað um fréttina

• Örn Ingólfsson: Íslenska Mafían!