Leno hélt upp á 15. afmæli sitt sem stjórnandi „Tonight Show“

Jay Leno hélt upp á 15. afmæli sitt sem stjórnandi þáttarins „Tonight Show“ á föstudaginn, en hann fullyrðir að þetta sé ekki hans þáttur. Hann hugsi aðallega um að halda þættinum á toppnum og skila honum þannig til næsta manns.

Tilkynnt hefur verið að Leno hætti með þáttinn á þarnæsta ári og Conan O'Brian taki við. Leno lét fögur orð falla um helsta keppinaut sinn, David Letterman, og sagði að á milli þeirra hefði aldrei fallið styggðaryrði, þótt vissulega hefðu þeir gert grín að hvor öðrum.

Leno sagði að eini maðurinn sem segja mætti að hefði „átt“ þáttinn væri Jonny Carson, sem stýrði „Tonight Show“ í 30 ár (1962-92). „Maður er alltaf í skugga hans,“ sagði Leno.

• 1 blogg um fréttina

Bloggað um fréttina

• Benedikt Halldórsson: Skemmtileg spakmæli höfð eftir Jay Leno.