Daði vinsælastur í flestum löndum
Setja bókamerki
Þrátt fyrir að hætt hafi verið við Eurovision-keppnina í ár fóru víða fram vinsældarkosningar. Það er ekki að undra að Daði Freyr okkar Íslendinga hafi víða verið hlutskarpastur í slíkum kosningum.
Í Noregi, Ástralíu, Svíþjóð, Austurríki og Danmörku sigruðu Daði og Gagnamagnið vinsældarkosningar.
Í kosningum alþjóðlegra samtaka áhugafólks um Eurovision (OGAE) hafnaði Daði í öðru sæti, á eftir lagi Litháen. Nokkuð miklu munaði á 1. og 2. sæti, meira en hundrað stigum, en 3. sætið, lag Sviss, var aðeins 14 stigum á eftir Daða.
Í keppni Eurojury, þar sem dómnefnd tónlistarmanna velur sigurvegarann, bar Daði sigur úr bítum. Aðeins einu stigi munaði á Daða og öðru sæti, Sviss.
Þá sigraði Daði keppni Eurostream örugglega, með rúmlega 130 stigum, en Litháen hafnaði í öðru sæti.
Glæpastarfsemi orðin mun skipulagðari
Komu saman á kyrrðar- og bænastund
Maðurinn sem leitað var að fannst látinn
Björninn sagður nálægt byggð
Hætta vegna jarðfalls í sprungur metin töluverð
Of margir nemendur og ákall um hæft starfsfólk
Vendingar vestanhafs geti haft áhrif hér heima