Hóta að sprengja skipið

Sjóræningjarnir sem rændu úkraínska vopnaflutningaskipinu fyrir utan ströndum Sómalíu hótuðu í dag að sprengja skipið í loft upp ef lausnargjaldið verður ekki greitt. Skipið MV Faina er umkringt Bandarískum herskipum og rússnesk freigáta er á leið til þeirra.

„Við héldum þriggja tíma fund í dag og ákváðum að sprengja skipið og farminn í loft upp og okkur með ef eigendur skipsins ganga ekki að kröfum okkar," sagði Sugule Ali, talsmaður sjóræningjanna í samtali við AP fréttastofuna sem hringdi í gervihnattasíma skipsins.

Koma rússnesku freigátunnar er talin auka líkurnar á að reynt verði að taka flutningaskipið með valdi.

Síðan um áramót hafa sjóræningjar tekið á þriðja tug skipa á þessum slóðum en þetta skip hefur vakið mesta athygli heimspressunnar vegna hins hættulega farms.

• 1 blogg um fréttina

Bloggað um fréttina

• Ásgrímur Hartmannsson: Af hverju er ekki búið að skjóta þessa vitleysingja?