Obama í heimsókn hjá Bush

Barack Obama og Michelle, kona hans, komu í kvöld í heimsókn til Georges W. Bush og Lauru konu hans í Hvíta húsinu í Washington. 

Obama og Bush tókust í hendur og gengu í framhaldinu inn í skrifstofu forsetans, en þetta var í fyrsta sinn sem Obama kemur inn í skrifstofuna frægu. Búist er við því að þeir muni ræða m.a. Íraksstríðið og fjármálakreppuna.

Þá er einnig búst við því að þeir muni ræða valdaskiptin, en Obama tekur formlega við embættinu 20. janúar nk. Hann hefur þegar gefið til kynna að muni mögulega snúa við umdeildum ákvörðunum Bush.

George og Laura Bush taka á móti Barack og Michelle Obama í dag. Reuters

Obama lagði höndina föðurlega á öxl Bush þegar þeir gengu inn í Hvíta húsið. Reuters

• 2 blogg um fréttina

Bloggað um fréttina

• Stefán Friðrik Stefánsson: Bush og Obama hittast - breytingar í sjónmáli
• Haraldur Bjarnason: Höfðinu hærri