Ætla að útvarpa frá Rockall

Hópur belgískra útvarpsáhugamanna ætlar að halda til klettaeyjunnar Rockall í miðju Atlantshafi og vonast til að geta sent útvarpsþætti þaðan.

Rockall er 23 metrar á breidd og 27 metrar á lengd og er afar erfitt að komast þar á land. Við klettinn hafa mælst hæstu öldur sem um getur, 27 metra háar.  

Fram kemur á heimasíðu BBC, að rafeindavirkinn Patrick Godderie sé leiðangursstjóri en hópurinn ætlar að slá upp sérhönnuðum tjaldbúðum á Rockall.

Rockall hefur verið deiluefni milli Íslendinga, Breta, Íra og Dana en allar þessar þjóðir gera tilkall til svæðisins á grundvelli landgrunnsréttinda. Talið er að mikið magn af olíu og gasi kunni að vera að finna á svæðinu.

Fyrst var gengið á land á Rockall árið 1810 en nákvæm staðsetning klettsins var fyrst birt á korti árið 1831. Bretar settu sérstök lög árið 1972 þar sem því var lýst yfir, að Rockall væri hluti af Invernessýslu á Skotlandi.

Árið 1997 fór hópur Grænfriðunga til Rockall og dvaldi þar í 42 daga. 

• 2 blogg um fréttina

Bloggað um fréttina

• MOONSHINE: Syðsta eyjan........
• Guðmundur St Ragnarsson: Reykjavík síðdegis frá Rockall