Þýska leyniþjónustan (BND) telur að liðsmenn hryðjuverkasamtakanna Ríkis íslams í norðurhluta Íraks hafi yfir að ráða flugskeytum sem nota má til að skjóta niður flugvélar, þar á meðal farþegaþotur.

Greint er frá þessu í þýska dagblaðinu Bild am Sonntag. Þar segir að starfsmenn leyniþjónustunnar hafi upplýst þýska þingið um þessar grunsemdir á trúnaðarfundi sem fór fram í síðustu viku.

Starfsmenn BND eru sagðir hafa upplýst að liðsmenn samtakanna hafi komist yfir færanlegan loftvarnabúnað sem var áður í eigu sýrlenska hersins. Hluti vopnanna er orðinn mjög gamall, eða frá áttanda áratugnum, en annað er nýlegt og mjög tæknilegt. 

Hægt er að halda á vopnum sem kallast á ensku Man Portable Air Defense Systems (MANPADS). Þetta er rússnesk hönnun sem hefur verið framleidd víða um heim, m.a. í Búlgaríu og í Kína. 

Tengdar fréttir

Sýrland

Forsetafrú með hvítblæði

• Helsti ráðgjafi Hisbollah sá sem ráðinn var af dögum
• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad

» Fleiri tengdar fréttir

Írak

Ráðist á bandaríska herstöð í Írak

• Bandaríkin hæfðu höfuðstöðvar Hisbollah
• Tuttugu ár frá umdeildri innrás í Írak
• Í heimsókn 20 árum eftir innrásina
• 23 skotnir til bana í Írak

» Fleiri tengdar fréttir

• Blogga um frétt