Foreldrar Kassigs bíða staðfestingar
Setja bókamerki
Foreldrar bandaríska hjálparstarfsmannsins Abdul-Rahmans Kassigs, áður Peters Kassigs, bíða nú eftir að staðfest verði að hann sé í raun látinn.
Myndband sem virðist sýna meðlimi hryðjuverkasamtakanna Ríkis íslams hálshöggva Kassig hefur verið birt á veraldarvefnum.
Í tilkynningu sem Ed og Paula Kassig, foreldrar Abdul-Rahmans, hafa sent frá sér segir að þau séu meðvituð um fréttaflutning af meintu andláti sonar þeirra. Segjast þau bíða eftir staðfestingu.
Biðja þau fjölmiðla um að beina athygli að starfi og lífi Kassigs, ekki myndbandinu sem sé viðurstyggilegt. Vilja þau frekar að skrifað verði um mikilvægt starf hans og ást hans á vinum og fjölskyldu.
Kassig var rænt 1. október í fyrra þegar hann var á leið til Deir Ezzour í austurhluta Sýrlands. Hryðjuverkasamtökin höfðu hótað að myrða Kassig í myndbandi sem sýndi morðið á breskum gísl, Alan Henning, og birt var í síðasta mánuði.
Kassig skrifaði foreldrum sínum bréf í júní á þessu ári en þar sagðist hann vera hræddur við að deyja í haldi vígamanna.
Quang Le: „Rottuskíturinn kom mér á óvart“
/frimg/1/50/8/1500878.jpg)
Yazan verður ekki fluttur úr landi
Erlendir fangar sendir til útlanda?
Segja 20 liðsmenn Hisbollah látna
Velferð ekki gefin
97 aðgerðir hafa neikvæð áhrif
Einróma stuðningur við virkjanir
Fjármögnun alríkisins enn í óvissu