Ekkert lát á loftárásum Tyrkja
Setja bókamerki
Tyrkir gerðu loftárásir á búðir PKK í norðurhluta Íraks og Suðaustur-Tyrklandi. Undanfarna daga hafa tyrknesk stjórnvöld gert ítrekaðar loftárásir á PKK og Ríki íslams.
PKK hefur í áratugi barðist blóðugri baráttu fyrir sjálfstæði Kúrda í Tyrklandi, en krefst nú aukinnar sjálfstjórnar í stað sjálfstæðis. PKK eru skilgreind sem hryðjuverkasamtök í Tyrklandi og víða á Vesturlöndum.
Samkvæmt tilkynningu frá tyrkneskum stjórnvöldum beindust árásirnar að skýlum, birgðastöðvum, stjórnstöðvum og hellum sem liðsmenn PKK halda til í. Herinn hefur frá því a föstudag gert árásir á PKK í Írak og RÍ í Sýrlandi á hverjum degi. Segja Tyrkir að um stríð gegn hryðjuverkum sé að ræða.
Samkvæmt upplýsingum frá tyrkneska forsætisráðuneytinu hafa alls 1302 verið handteknir undanfarna daga í aðgerðum lögreglu og hers í 39 héruðum Tyrklands en fólkið er allt talið tilheyra hryðjuverkasamtökunum Ríki íslams og PKK.
Neyðarfundur var haldinn í Brussel í gær hjá Atlantshafsbandalaginu þar sem málefni Tyrklands, sem er aðildarríki NATO, voru rædd.
Átta til tólf erlendir glæpahópar
Segja 20 liðsmenn Hisbollah látna
Fjármögnun alríkisins enn í óvissu
„Hví erum við dýrasta land í heimi?“
Saka Ísraela um fjöldamorð
Hefði ekki lagst gegn samþykkt sáttmálans
„Verða bara eins og „zombíar““
Velferð ekki gefin