Umtalsverð eyðilegging hefur orðið í kanadísku borginni Fort McMurray vegna skógarelda, sem hafa haft áhrif á um 1.600 byggingar.
Illa hefur gengið að hemja eldinn og óttast er að fleiri svæði, þar á meðal flugvöllurinn, séu í hættu.
Frétt mbl.is: Stórbruni ógnar borg í Kanada
Samkvæmt slökkviliðinu í borginni hefur heitt loftslagið og miklir vindar valdið því að dagurinn í dag hefur verið enn verri en gærdagurinn.
Residents of Canadian oil sands town Fort McMurray ordered to evacuate because of wildfire. (via @jstuffcocrimlaw) pic.twitter.com/6jqbd9ILGn
— Twitter Video (@video) May 4, 2016
Um 88 þúsund borgarar hafa þurft að yfirgefa heimili sín en enginn hefur slasast, að því er kom fram á BBC.
Eldurinn braust út í suðvesturhluta borgarinnar á sunnudag. Svo virtist sem slökkviliðsmenn hefðu náð tökum á eldinum í gær en breyting á vindátt gerði vonir þeirra að engu.
Eitt hundrað slökkviliðsmenn hafa reynt að ráða niðurlögum eldsins.
'Catastrophic' Fort McMurray wildfire surpasses 10,000 hectares https://t.co/aWqnSn0Vg7 pic.twitter.com/0SpKFVnKyq
— CBC News (@CBCNews) May 4, 2016