Vissi af svindli Volkswagen
Setja bókamerki
Framkvæmdastjórn Evrópusambandsins vissi af því árið 2010 að bílaframleiðandinn Volkswagen hefði svindlað á mengunarprófum sínum vegna díselvéla.
Þetta kemur fram í skjölum sem þýska blaðið Spiegel hefur undir höndum. Einnig er leitt að því líkum að þýsk stjórnvöld hafi vitað af svindlinu, þegar árið 2012, og að fundarhöld hafi farið fram á milli stjórnvalda og framkvæmdastjórnar ESB.
Uppljóstrað var um svindlið í september á síðasta ári.
Uppi varð fótur og fit þegar í ljós kom að Volkswagen hafði komið fyrir sérstökum hugbúnaði í bílum sínum til að svindla á útblástursprófum. Sumar tegundir bílaframleiðandans losa allt að fjörutíu sinnum meira af mengandi efnum en leyfilegt er.
Fyrirtækið hefur beðist afsökunar á svindlinu og náði í síðasta mánuði samkomulagi við bandaríska eigendur bifreiða þess um greiðslu 15 milljarða dollara í skaðabætur.
Óásættanlegt hversu langan tíma viðræður hafa tekið
„Mjög ánægður með útkomuna“
Vísa mótmælanemendum úr skólanum
Rímar „engan veginn“ við Veðurstofuna
Verðskulda allir frambjóðendur jafna athygli?
Hvað verður um plastið?
3.800 gígawattsstundir af viðbótarorku árlega