Erlent | AFP | 26.12.2016 | 20:00 | Uppfært 20:26

Bestu fréttamyndir ársins 2016

Mynd 1 af 70 Þessi mynd, af hinum fjögurra ára Omran, ýtti undir samúðarbylgju með fórnarlömbum stríðsins í Sýrlandi í ágúst. Myndin er tekin í sjúkrabíl í austurhluta Aleppo. Omran litla hafði verið bjargað úr húsarústum í kjölfar enn einnar loftárásarinnar. HO

Mynd 2 af 70 Maður stendur við lík barns á strönd í Grikklandi. Bátur með flóttafólki hafði sokkið og líkunum skolaði hvert á fætur öðru á land. Fólkið var á flótta, m.a. frá Sýrlandi, Afganistan og Búrma. AFP

Mynd 3 af 70 Fólk fylgist með villtum fíl ganga um götur Siliguri á Indlandi í Febrúar. Fíllinn hafði villst inn í borgina. Hann var skotinn með deyfilyfi og fluttur í skóglendi í nágrenni borgarinnar. AFP

Mynd 4 af 70 Lögreglumenn standa við tjöld flóttamanna í Frumskóginum, flóttamannabúðum í Frakklandi. Þúsundir manna, sem vildu helst komast til Bretlands, héldu til í búðunum þar til í haust er þær voru rýmdar. AFP

Mynd 5 af 70 Brotnir bátar og óteljandi björgunarvesti flóttafólks á strönd í Grikklandi. Þúsundir hafa flúið yfir Miðjarðarhafið í ár á flótta undan stríði og slæmum lífskjörum. En löndum flestra Evrópulanda var lokað. Hörð lífsbarátta hélt því áfram hjá flestum. AFP

Mynd 6 af 70 Íraskar fjölskyldur á flótta saman komnar í eyðimörkinni vestur af borginni Samarra. Íraski herinn sótti fram gegn vígamönnum Ríkis íslams á svæðinu og fólkið hafði ekkert annað val en að flýja undan átökunum. AFP

Mynd 7 af 70 Hópur flottamanna mótmælir bak við vírgirðingu á landamærum Grikklands og Makedóníu í mars. Landamæraeftirlit margra Evrópulanda var hert til muna í ár. Flóttafólkið varð því innlyksa og fáir kostir fyrir þá í stöðunni. AFP

Mynd 8 af 70 Drengur stendur í þokunni inn á milli tjalda flóttamanna við landamæri Grikklands og Makedóníu. Þúsundir flóttamanna urðu innlyksa í bænum Idomeni á Grikklandi eftir að landamærunum var lokað. AFP

Mynd 9 af 70 Björgunarmenn í Sýrlandi reyna að draga særðan mann undan braki húss sem sprengt var í loft upp í loftárás í Salhin-hverfinu í austurhluta Aleppo. AFP

Mynd 10 af 70 Flóttamenn reyna að komast yfir á á leið sinni yfir landamærin frá Grikklandi til Makedóníu. Þúsundir þeirra urðu innlyksa í landamærabænum Idomeni í mars er landamærunum að Balkanríkjunum var lokað. AFP

Mynd 11 af 70 Brimbrettakappi skoðar norðurljósin á himni yfir Lofoten í Noregi í mars. Norðurljósin voru sérstaklega björt og falleg síðasta vetur. AFP

Mynd 12 af 70 Öryggisvörður aðstoðar særða konu á Maelbeek-lestarstöðinni í Brussel þann 22. mars er hryðjuverkaárás var gerð á nokkrum stöðum í borginni. 31 lést, m.a. á flugvellinum. AFP

Mynd 13 af 70 Eftir að hafa kveikt í sér í örvæntingu hljóp hann um flóttamannabúðirnar í Idomeni á Grikklandi. Þúsundir flóttamanna urðu innlyksa í bænum eftir að landamærunum að Balkan-ríkjunum var lokað í byrjun árs. AFP

Mynd 14 af 70 Maður vefur sig inn í belgíska fánann og heldur á kerti við minningarathöfn um þá sem fórstu í hryðjuverkunum í Brussel í mars. AFP

Mynd 15 af 70 Glæsileg flugeldasýning í Mexíkó í apríl. AFP

Mynd 16 af 70 Hann var óhuggandi, litli sýrlenski drengurinn, sem grét við lík ættingja sinna sem fórust í loftárás í austurhluta Aleppo í apríl. AFP

Mynd 17 af 70 Íbúar í Aleppo ganga innan um rústir húsa eftir enn eina loftárásina. Uppreisnarmenn réðu ríkjum í austurhluta Aleppo. Stjórnarherinn, með fulltingi Rússa og fleiri ríkja, hóf áhlaup á borgina í haust og hefur smám saman náð yfirráðum að nýju. Það hefur kostað hundruð mannslífa. AFP

Mynd 18 af 70 Tonn af fílabeini og nashyrningshornum brennd á báli í Kenía. Veiðiþjófnaður og smygl er gríðarlegt vandamál víðsvegar í Afríku. Lönd á borð við Kenía og Úganda hafa barist hart gegn veiðum á villtum dýrum í fleiri ár. Keníamenn vilja að verslun með afurðir fíla, nashyrninga og fleiri dýra verði bönnum með öllu á alþjóðavísu. Þeir óttast að villtir fílar deyi út með þessu áframhaldi. AFP

Mynd 19 af 70 Skýstrókur á ferð í Oklahoma í maí. Krafturinn í slíkum veðurfyrirbrigðum er gríðarlegur og getur lagt heilu bæina í rúst. AFP

Mynd 20 af 70 Maður heldur á logandi kyndli og blómum er hann stendur frammi fyrir óeirðarlögreglunni í Lyon í Frakklandi. Verið var að mótmæla breytingum á vinnulöggjöfinni í landinu. Þær áttu m.a. að auðvelda fyrirtækjum að ráða og reka fólk. AFP

Mynd 21 af 70 Áhangendum enska landsliðsins í fótbolta lenti saman við lögregluna í Marseille í suðurhluta Frakklands er Evrópumótið í knattspyrnu fór þar fram í júní. Læti brutust út fyrir leik Englendinga og Rússa. AFP

Mynd 22 af 70 Kötturinn Chiquinho er tólf ára og fer allra sinna ferð á mótorhjóli með eigandanum um borgina Rio de Janeiro í Brasilíu. AFP

Mynd 23 af 70 Konur halda þett utan um hvor aðra fyrir utan Ataturk-flugvöllinn í Istanbúl er árás var gerð þar í lok júní. AFP

Mynd 24 af 70 Svartir í Bandaríkjunum héldu baráttu sinni fyrir auknum mannréttindum áfram í ár. Mörg dæmi voru um það í ár að óvopnaðir svartir menn væru skotnir af lögreglunni. AFP

Mynd 25 af 70 Áhorfendur fylgjast með leik Frakka og Portúgala á risaskjá í við Eiffel-turninn. Evrópumótið í knattspyrnu fór fram í landinu í sumar. AFP

Mynd 26 af 70 Flugvélin Solar Impulse 2, sem fór fyrir sólarorkunni einni saman umhverfis heiminn, sést hér á flugi yfir pýramídunum í Giza í Egyptalandi. JEAN REVILLARD

Mynd 27 af 70 Lík meints fíkniefnasala liggur á götu úti í Manila á Filippseyjum. Stríð stjórnvalda gegn fíkniefnum hefur valdið dauða þúsunda. AFP

Mynd 28 af 70 Kona fylgist með útför eins þeirra sem lét lífið er valdarán var reynt í Tyrklandi í júlí. Hluti hersins gerði tilraun til að ræna völdum en áhlaupið var brotið á bak aftur. AFP

Mynd 29 af 70 Fólk safnast saman við götuna Promenade des Anglais í Nice þar sem maður ók flutningabíl inn í mannfjöldann á þjóðhátíðardegi Frakka, 14. júlí. 84 létust. AFP

Mynd 30 af 70 Stuðningsmenn Erdogans, forseta Tyrklands, halda fánum á lofti á Taksim-torgi eftir að valdaránstilraun í landinu var brotin á bak aftur í júlí. Þúsundir stuðningsmanna Erdogans fóru út á götur, fyrir hvatningu forsetans, og mótmæltu valdaránstilrauninni. AFP

Mynd 31 af 70 Indónesískur drengur leitar blessunar við virkt eldfjall, Brumo-fjall, í landinu. AFP

Mynd 32 af 70 Sýrlendingur leitar pókemona í rústum húsa í bænum Douma, austur af höfuðborginni Damaskus. Pókemon-æði greip heimsbyggðina í ár. AFP

Mynd 33 af 70 Barack Obama Bandaríkjaforseti faðmar Hilary Clinton, forsetaframbjóðanda Demókrataflokksins, á landsþingi flokksins í júlí. AFP

Mynd 34 af 70 Bandaríski sundmaðurinn Michael Phelps smellir kossi á son sinn, Boomer, á Ólympíuleikunum í Ríó í sumar. AFP

Mynd 35 af 70 Spretthlauparinn Usain Bolt frá Jamaíka kemur fyrstur í mark í undanúrslitum 200 metra hlaups á Ólympíuleikunum í Ríó. AFP

Mynd 36 af 70 Aðdáendur taka myndir af sér með Usain Bolt á Ólympíuleikunum í Ríó. AFP

Mynd 37 af 70 Duane Ehmer á hesti sínum í Malheur-friðlandinu í Oregon í janúar. Á þeim tíma var friðlandið hernumið af hópi fólks sem krafðist þess að landinu yrði skilað aftur til borgaranna. Þeir voru handteknir í byrjun árs og sakaðir m.a. um vopnalagabrot. Þeir voru allir sýknaðir í október. AFP

Mynd 38 af 70 Sýrlendingur heldur á barni í gegnum brak húsa í borginni Aleppo í september. Orrustur hafa verið tíðar í borginni síðustu mánuði og fleiri loftárásir verið gerðar daglega. Á meðan hafa íbúar verið innlyksa. Þúsundir hafa látist. AFP

Mynd 39 af 70 Bretinn Alistair Brownlee hjálpar bróður sínum Jonathan á endasprettinum í þríþrautarkeppni í Mexíkó. Alistair hefði getað unnið en þegar hann sá bróður sinn vera við það að örmagnast ákvað hann frekar að styðja hann yfir marklínuna. AFP

Mynd 40 af 70 Leyniskyttur skjóta á vígamenn Ríkis íslams í Sirte í Líbíu í september. Mánuðum saman hefur víða um heim verið reynt að fella samtökin sem bera ábyrgð á hryðjuverkum og miklu mannfalli víða um heim. AFP

Mynd 41 af 70 Mótmælandi starir í augu óeirðarlögreglumanns í bænum Charlotte í Norður-Karólínu. Í september skaut lögreglan svartan mann til bana í borginni. Hörð mótmæli brutust út og stóðu þau dögum saman. AFP

Mynd 42 af 70 Sýrlensk móðir heldur á líki barns síns. Sonur hennar hafði fundist látinn undir braki húss sem sprengt var í loft upp í borginni Aleppo. AFP

Mynd 43 af 70 Hópur fólks myndar kastala í Tarragona á Spáni. Hefð er fyrir því að fólk myndi kastala við hátíðarhöld í Katalóníu. Oft er reynt að setja met í fjölda þeirra sem taka þátt. AFP

Mynd 44 af 70 Nemandi við háskóla í Jóhannesarborg í Suður-Afríku afhentir öeirðarlögreglumanni blóm í fjöldamótmælum í borginni í október. Lögreglan skaut gúmmíkúlum á nemendurna sem voru að mótmæla hækkun skólagjalda í landinu. AFP

Mynd 45 af 70 Flóttamaður dregur barn upp úr Miðjarðarhafinu undan ströndum Líbíu. Þúsundum flóttamanna hefur verið bjargað úr sökkvandi bátum á hafinu í ár. AFP

Mynd 46 af 70 Flóttamenn á sundi veifa höndum til að ná athygli björgunarliðs á Miðjarðarhafi. Sjálfboðasamtök taka mörg hver þátt í björgunarstarfi á hafinu og þúsundum hefur verið bjargað frá drukknun í ár. AFP

Mynd 47 af 70 Flóttamenn klofa yfir lík í gúmmíbáti við strendur Líbíu. Hundruð hafa drukknað í Miðjarðarhafinu á flótta sínum í ár. AFP

Mynd 48 af 70 Hilary Clinton, forsetaframbjóðandi Demókrata, var í sviðsljósinu í ár. Hún tapaði í forsetakosningunum og tók ósigurinn mjög nærri sér. AFP

Mynd 49 af 70 Fellibylurinn Matthew olli skelfingu og eyðileggingu á Haítí í október. Yfir 400 manns létust. Uppbyggingin mun taka fleiri ár. AFP

Mynd 50 af 70 Donald Trump var forsetaframbjóðandi Repúblikanaflokksins í Bandaríkjunum. Hann er umdeildur, m.a. fyrir niðrandi ummæli sín um konur. Á einum kosningafundinum kyssti hann spjald sem á stóð: Konur kjósa Trump. AFP

Mynd 51 af 70 Hryllilegt borgarastríð hefur geisað í Suður-Súdan í fleiri mánuði. Átök hafa reglulega brotist út í ár og þúsundir hafa flúið til nágrannalandanna, aðallega Úganda. AFP

Mynd 52 af 70 Flugskeyti skotið á loft í eyðimörkinni í Írak. Þar berst stjórnarherinn við vígamenn Ríkis íslams. AFP

Mynd 53 af 70 Íraskir hermenn fara á jeppa um eyðimörkina skammt frá ánni Tígris. Þeir hafa sótt fram í haust og tekið yfir borgir og bæi sem um hríð hafa verið undir yfirráðum vígamanna Ríkis íslams. Harðast hefur verið barist við borgina Mosúl. AFP

Mynd 54 af 70 Fólk sem flúði frá Mosúl í Írak eftir að stjórnarherinn gerði áhlaup á borgina hitti ættingja á ný í flóttamannabúðum. Ættingjarnir höfðu náð að flýja fyrir tveimur árum, rétt áður en vígamenn Ríkis íslams tóku borgina yfir og héldu fólki þar í herkví. AFP

Mynd 55 af 70 Flóttafólk safnast saman fyrir utan Frumskóginn, flóttamannabúðir sem mynduðust í Frakklandi fyrir nokkrum árum. Búðunum var lokað í haust og eldar voru kveiktir. AFP

Mynd 56 af 70 Íraskar fjölskyldur á flótta undan átökum í Mosúl. AFP

Mynd 57 af 70 Flóttamenn vafðir inn í teppi um borð í björgunarskipi á Miðjarðarhafi. AFP

Mynd 58 af 70 Donald Trump fagnar með stuðningsmönnum sínum á hóteli í New York að kvöldi kosningadags, 8. nóvember. AFP

Mynd 59 af 70 Stuðningsmaður Hilary Clinton horfir vantrúaður á sjónvarpsskjá á kosningavöku í Washington. AFP

Mynd 60 af 70 Hilary Clinton ásamt eiginmanni sínum Bill. Clinton var að halda ræðu eftir að hafa játað sig sigraða í kosningabaráttunni, daginn eftir að ljóst varð að Donald Trump hefði unnið. AFP

Mynd 61 af 70 Írösk kona á flótta heldur á kettinum sínum. Lulu, austur af borginni Mosúl. Hún hafði flúið ásamt börnunum sínum er áhlaup stjórnahersins á borgina hófst. Leiðin lá í flóttamannabúðir. AFP

Mynd 62 af 70 Fólk skýlir sér fyrir flugveldum sem kveiktir voru í loftbelg yfir höfðum þeirra. Flugeldarnir voru kveiktir of snemma og neistaflugið náði til jarðar. Tilefni sýningarinnar var ljosahátíið í Búrma. AFP

Mynd 63 af 70 Á meðan vígamenn Ríkis íslams höfðu hina fornu sýrlensku borg Palmyra á valdi sínu eyðilögðu þeir margar fornminjar, m.a. hof sem eru á heimsminjaskrá UNESCO. AFP

Mynd 64 af 70 Kappakstur í eyðimörk Mongólíu. 130 kepptu og óku tæplega 11 þúsund kílómetra leið frá Moskvu til Peking. AFP

Mynd 65 af 70 Efnt var til mótmæla víðsvegar um Bandaríkin er ljóst var að Donald Trump hefði farið með sigur af hólmi í forsetakosningunum í landinu. AFP

Mynd 66 af 70 Faðir og afi fimmtán ára drengs sem féll í sprengjuárás í Mosúl í Írak, syrgja á meðan hermenn stand kringum líkið. AFP

Mynd 67 af 70 Vígamenn Ríkis íslams kveiktu elda í verksmiðjum til að hindra áhlaup stjórnarhersins að borginni Mosúl í Írak. AFP

Mynd 68 af 70 Sýrlenskir björgunarmenn úr liði Hvítu hjálmanna, draga særðan dreng undan rústum húss í úthverfi Aleppo. AFP

Mynd 69 af 70 Hermenn á Kúbu bregðast við fréttum af andláti Fidels Castro, fyrrverandi leiðtoga landsins. Hann lést níræður að aldri í lok nóvember. AFP

Mynd 70 af 70 Bandaríska fimleikakonan Simone Biles kom sá og sigraði á Ólympíuleikunum í Ríó. AFP

Milljónir eru á flótta undan stríði sem kostað hefur þúsundir manna lífið. Met voru slegin á Ólympíuleikunum í Ríó og gleði ríkti á Evrópumótinu í knattspyrnu í Frakklandi. Það skiptast á skin og skúrir í heiminum en enginn getur neitað því að árið 2016 var blóði drifið og örvænting margra mikil.

Á þessu herrans ári var líka kosinn nýr forseti í Bandaríkjunum og málefni svartra þar í landi voru í brennidepli.

Hringferð um jörðu á flugvél sem knúin var sólarorku lauk og Pokémon-æði greip jarðarbúa.

Bestu fréttamyndir ársins 2016 frá fréttastofu AFP má finna hér að ofan.