Biden heill á húfi eftir hrakföll

Fulltrúi Hvíta hússins, Karine Jean Pierre, hefur lýst því yfir að Joe Biden Bandaríkjaforseti sé við góða heilsu þrátt fyrir að hafa hrasað þrisvar á leið um borð í flugvél forsetans. Atvikið náðist á myndband og voru fjölmiðlar vestra ekki lengi að gera sér mat úr efninu, enda ekki í fyrsta skipti sem heilsufar forsetans er til umfjöllunar. Segir frá þessu á fréttavef Reuters.

Á myndbandinu sést Biden hrasa þrisvar í tröppunum en ekki er útlit fyrir að honum hafi orðið meint af. „Það var mjög vindasamt á svæðinu en hann er við hestaheilsu,“ sagði Jean-Pierre í samtali við fjölmiðla, sem inntu hana eftir svörum í kjölfar hrakfallanna.

Sjón er sögu ríkari:

• 2 blogg um fréttina

Bloggað um fréttina

• Torfi Kristján Stefánsson: Gamalmenni með kjaft!
• Jónatan Karlsson: Pútín skorar Biden á hólm.