Málað yfir myndir af konum í Afganistan
Setja bókamerki
Forstjóri afgönsku fréttaveitunnar Tolo News, Lotfullah Najafizada, setti inn færslu á Twitter í dag þar sem karlmenn sjást mála yfir myndir af konum sem höfðu verið málaðar á vegg í Kabúl, höfuðborg Afganistans.
Stjórnvöld þar sitja nú við samningaborðið með talíbönum og er ætlun ríkisstjórnarinnar að framselja vald sitt yfir borginni til talíbana, í því skyni að koma í veg fyrir átök. Talíbanar hafa mætt lítilli sem engri mótstöðu í borginni.
Ungar afganskar konur eru sagðar mjög hræddar við það sem koma skal.
Konum bannað að fara einar út og þær reknar
Þegar talíbanar réðu síðast ríkjum í Afganistan, fyrir árið 2002, voru sjaríalög í gildi í landinu. Þá mátti grýta fólk fyrir framhjáhald, aflima fyrir þjófnað og koma í veg fyrir að stúlkur gætu stundað nám eftir 12 ára aldur. Ekki er víst hvort talíbanar hyggist koma á sömu lögum nú en haft var eftir einum af foringjum þeirra nýverið að dómstólar þyrftu að skera úr um það hvort slíkt mætti.
Talsmaður talíbana sagði í yfirlýsingu í dag að hermenn þeirra myndu virða réttindi kvenna og fjölmiðla. Yfirlýsingin er álitin tilraun talíbana til þess að slá á áhyggjur heimsbyggðarinnar af kvenréttindum í Afganistan. Talsmaðurinn heldur því fram að konum verði áfram leyfilegt að yfirgefa heimili sín án þess að vera í fylgd með karlmönnum og að þær muni geta menntað sig og unnið.
Yfirlýsingin er í mótsögn við fréttir frá svæðum þar sem talíbanar hafa náð völdum á síðustu dögum. Þar er konum ekki hleypt út af heimilum sínum án þess að þær séu í fylgd með karlmönnum. Kvenkyns starfsmenn hafa verið reknir og tjáð að störf þeirra verði nú unnin af karlmönnum. Þá er konum á þessum slóðum einnig skipað að ganga í búrku.
„Dómurinn hefur ríkt fordæmisgildi“
Skoða að taka upp gjaldskyldu á notkun nagladekkja
Ástand Ficos stöðugt en „mjög alvarlegt“
Aldraðir beittir ofbeldi
Kortavelta ferðamanna dregst mikið saman
Rannsókn miðar vel
Andri Snær sættir sig við fimm frambjóðendur