Um 300 þúsund manns eru nú innlyksa í hafnarborginni Mariupol í Úkraínu þar sem bardagar geisa á götum borgarinnar.

Frétt af mbl.is

Rússar berjast í miðborg Mariupol

Íbúar hafa búið við rafmagnsleysi í marga daga og eru einnig án rennandi vatns. Þá reynist erfitt að koma mannúðaraðstoð inn í borgina þar sem Rússar hindra inngöngu.

Á vef BBC er greint frá því að nú þegar hafa Rússar sprengt upp kirkju, sjúkrahús og fjölmörg heimili. Gert er ráð fyrir að um 80% íbúðahúsa hafi eyðilagst í sprengingunum, þriðjungur þeirra eru talin vera ónýt.

Um 300 þúsund manns eru nú innlyksa í hafnarborginni Mariupol í Úkraínu. AFP

„Það eru skriðdrekar... og stórskotahríðir og alls konar vopn á svæðinu. Hersveitir okkar eru að gera allt sem þær geta til þess að halda vörnum borgarinnar en óvinurinn er því miður sterkari en við,“ sagði Vadym Boychenko, borgarstjóri Mariupol, í viðtali við BBC.

Þá sagði hann að miðbærinn væri horfinn. „Það er ekki einn blettur sem sýnir ekki merki stríðs.“

Gert er ráð fyrir að um 80% íbúðahús hafi eyðilagst í sprengingunum. AFP

Tengdar fréttir

Úkraína

Að minnsta kosti 12 látnir

• Tveir látnir og tugir slasaðir eftir árás Rússa á byggingarvöruverslun
• Segir Rússa nýta sér skort á loftvörnum
• Rússar skila sex börnum heim til Úkraínu
• Aðstæðurnar í Karkív „einstaklega erfiðar“

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Pútín liggur ekkert á. Oft byggist hernaður á að taka …