Verkföll harðna á Bretlandi

Verkfallsaðgerðir eru að harðna, en í dag boðuðu stéttarfélög kennara- og hjúkrunarstétta Bretlands að vinna yrði lögð niður vegna lágra launa, en stjórnvöld reyna að hamla verkfallsaðgerðum með umdeildu frumvarpi.

Landssamband kennara (NEU) sagði að félagsmenn sínir hefðu kosið einhuga um að leggja niður störf frá 1. febrúar og þar er kallað eftir launahækkun sem hækkar meira en verðbólgan og vinnur gegn háu fasteignaverði og orkukostnaði.

Frétt af mbl.is

Miklar tafir á breskum flugvöllum vegna verkfalla

Á miðvikudag og fimmtudag hafa hjúkrunarfræðingar á Englandi, í Wales og á Norður-Írlandi boðað verkfallsaðgerðir á ný eftir að hafa haldið í fyrstu verkföll sín í desember.

Konunglegi hjúkrunarháskólinn tilkynnti að „ef pólitískt aðgerðaleysi heldur áfram“ muni hann fylgja þessu eftir með frekari verkföllum 6. og 7. febrúar, „í hörðustu mótmælum okkar gegn ósanngjörnum launakjörum og ótryggu starfsumhverfi“.

Ríkisstjórn Íhaldsflokksins hefur kynnt þingmönnum frumvarp sem kveður á um að verkalýðsstéttir þurfi að veita lágmarksþjónustu í verkföllum, og segja að líf liggi að veði.

• 1 blogg um fréttina

Bloggað um fréttina

• Jón Frímann Jónsson: Breska ríkisstjórnin vanhæf upp í rjáfur