Borgin sem aldrei sefur, sekkur

Himinháir skýjakljúfar, linnulaus uppbygging og endalausar framkvæmdir eru gjarnan hugsuð sem einkenni hinnar eilíft vakandi New York-borgar. Nú virðast þessi sömu einkenni ætla að verða borginni að falli. Nýjar rannsóknir eru sagðar sýna fram á það að borgin sökkvi að meðaltali um einn til tvo millimetra á ári hverju.

Breska dagblaðið Guardian greinir frá því að þessi þróun borgarinnar geti valdið miklu tjóni. Þó að um litla þróun sé að ræða á ársgrundvelli geti þessar breytingar orðið til þess að flóð verði algengari í borginni. Þyngd bygginga borgarinnar ýki þá þróun sem verði í þessum málum vegna hlýnunar jarðar.

Þá sé þessi þróun borgarinnar að ýta undir hraðari þróun hækkunar sjávarborðs en það hækki á tvöföldum hraða miðað við önnur svæði. Hækkun sjávarborðs í kringum borgina jafngildi 22 sentímetrum frá árinu 1950.

Tekið er fram að ekki sé þörf á því að leyfa skelfingu að grípa um sig vegna þessa alveg strax, en þróunin auki þó líkur á flóðum á svæðinu. Borgaryfirvöld verði að fara að huga að þessari þróun þar sem flóð geti drepið menn og dýr auk þess að veikja byggingar.

• 1 blogg um fréttina

Bloggað um fréttina

• Guðjón E. Hreinberg: Af samsæriskenningum Elítunnar