Mengunin náð til Noregs

Mengun frá skógareldum sem nú geisa í Kanada hefur orðið vart í Noregi. Norska loftslagsrannsóknarstofan greinir frá þessu en er mengunin sögð heldur væg. 

Öskuagnir frá skógareldunum hafa greinst síðan á mánudag en mengunin mælist mismikil eftir því hvernig vindar blása. 

„Við höfum ekki tekið eftir meiri mengun eða aukningu. Við teljum mengunina því ekki hafa nein umhverfisleg né heilsufarsleg áhrif í Noregi,“ sagði Nikolaos Evangeliou, vísindamaður hjá loftslagsrannsóknarstofunni. 

Frétt af mbl.is

Óraunverulegt að upplifa mengunina

Þúsundir manna hafa þurft að flýja heimili sín vegna eldanna sem nú brenna á yfir 3,8 milljóna hektara svæði í Kanada. 

Óli Þór Árnason, veðurfræðingur á Veðurstofu Íslands, sagði í samtali við mbl.is fyrr í vikunni að mengun frá Kanada hafi að öllum líkindum þegar ratað til Íslands, en að ekkert hafi mælst vegna rigningar sem skolað hefur öskuna út.

Frétt af mbl.is

Mengunarinnar gæti orðið vart á Íslandi

• 1 blogg um fréttina

Bloggað um fréttina

• Ómar Ragnarsson: Móðan frá Skaftáreldunum fór hring um jörðina 1783.