Nýsjálenskir fjölmiðlar hafa eftir embættismanni á Salómonseyjum, að hvalveiðar hafi ekki komið við sögu þegar ákveðið var að taka upp stjórnmálasamband við Ísland. Salómonseyjar ollu nokkru uppnámi á síðasta ársfundi Alþjóðahvalveiðiráðsins þegar þær studdu ályktanir um að hefja ætti hvalveiðar í atvinnuskyni að nýju.

Gert er ráð fyrir að þjóðirnar kanni möguleika á samstarfi á sviði sjávarútvegs og nýtingu jarðhita. Fréttavefur Radio New Zealand International segir að Ísland ásamt Japan og Noregi séu í fararbroddi þeirra þjóða sem vilji að hvalveiðar verði leyfðar á ný, en hefur eftir Jeremiah Magele, ráðuneytisstjóra utanríkisráðuneytis Salómonseyja, að engin tengsl séu á milli þessara mála.

„Við stefnum að því að auka samskipti okkar við lönd sem við teljum að slík samvinna geti gagnast báðum aðilum og Ísland er án efa í þeim hópi vegna fiskveiða og orku. Hvalamálið kom ekkert við sögu þegar ákveðið var að taka upp stjórnmálasamskipti við Ísland," segir Magele.

Tengdar fréttir

Hvalveiðar

„Þetta þarf að fara að gerast“

• Veiting hvalveiðileyfis ekki brot á EES-samningi
• Gefur ekkert upp um leyfi til hvalveiða
• Telur tvískinnung í umræðu um hvalveiðar
• Bíður eftir gögnum áður en hún tekur ákvörðun

» Fleiri tengdar fréttir

• 1 blogg um fréttina

Bloggað um fréttina

• Snorri Bergz: Mín mál á alþjóðavettvangi!