Komið hefur í ljós að ungur Lithái, sem var handtekinn á Keflavíkurflugvelli í fyrradag grunaður um fíkniefnasmygl, gleypti u.þ.b. 40 plastpakkningar með amfetamíni. Maðurinn er búinn að skila af sér um 20 pakkningum skv. upplýsingum lögreglu.
Maðurinn, sem er á þrítugsaldri, kom til landsins með flugi frá Amsterdam á miðvikudag. Tollverðir stöðvuðu manninn við venjubundið eftirlit við komuna til landsins.
Hann hefur verið
úrskurðaður í gæsluvarðhald til föstudagsins 15. ágúst.