Forsætisráðherra flytur stefnuræðu í kvöld
Setja bókamerki
Jóhanna Sigurðardóttir, forsætisráðherra, flytur stefnuræðu sína á Alþingi í kvöld klukkan 19:50 og verður ræðunni og umræðum um hana útvarpað og sjónvarpað í Ríkisútvarpinu.
Umræðurnar skiptast í þrjár umferðir. Ræðumenn Samfylkingarinnar verða, auk Jóhönnu, Katrín Júlíusdóttir iðnaðarráðherra, og Sigmundur Ernir Rúnarsson.
Ræðumenn fyrir Sjálfstæðisflokk verða Bjarni Benediktsson, Ólöf Nordal og Ásbjörn Óttarsson.
Ræðumenn fyrir Vinstrihreyfinguna - grænt framboð verða Steingrímur J. Sigfússon fjármálaráðherra, Guðfríður Lilja Grétarsdóttir og Ásmundur Einar Daðason.
Framsóknarflokk tala Sigmundur Davíð Gunnlaugsson, Vigdís Hauksdóttir og Guðmundur Steingrímsson.
Fyrir Borgarahreyfinguna tala Þór Saari, Birgitta Jónsdóttir og Margrét Tryggvadóttir.
Samkvæmt þessu munu átta þingmenn flytja jómfrúrræðu sína í umræðunum í kvöld.
„Bíð bara eftir að það fari að gjósa aftur“
Meti umsóknir um ríkisborgararétt
Útlendingafrumvarpið á dagskrá á morgun
Vænta þess að um tímabundið ástand sé að ræða
„Hann var lokaður inni í bátnum“
Baldur: Það má ekki gelda embættið