Fjárlaganefnd mun fjalla um skýrslu frá Hagfræðistofnun í dag. Í henni er rýnt í tölur frá Seðlabankanum og fjármálaráðuneytinu varðandi Icesave-málið: greiðslugetu og efnahagsspá, að sögn Guðbjarts Hannesonar, formanns nefndarinnar. Þingfundum hefur verið frestað til 10. ágúst.
Fjárlaganefnd óskaði eftir áliti frá utanríkismálanefnd og efnahags- og skattanefnd. Frá utanríkismálanefnd hefur fjárlaganefnd hvorki fengið álit frá Framsóknarflokki né Sjálfstæðisflokki.