Ríkissjóður hefur þurft að greiða hærri upphæð í vexti á þessu ári en fara til menntamála. Það sem af er ári hefur ríkissjóður greitt 99 milljarða í afborganir af lánum.

Á fyrstu níu mánuðum ársins greiddi ríkissjóður 36,6 milljarða í vexti af lánum sem ríkið hefur þurft að taka. Um 35 milljarðar fóru hins vegar til menntamála. Útgjöld ríkissjóðs eru 21% hærri á fyrstu níu mánuðum ársins en sömu mánuði í fyrra. Ástæðan er ekki síst mikil hækkun á fjármagnskostnaði.

Tap ríkissjóðs á fyrstu níu mánuðum ársins er 77,3 milljarðar en á sama tíma í fyrra var hagnaður á ríkissjóði 13,8 milljarðar.

• 2 blogg um fréttina

Bloggað um fréttina

• Benedikta E: Steingrímur Joð úrillur á taugum - við fréttamann ! Hvað …
• Magnús Helgi Björgvinsson: Og?