Kannabis víða ræktað

Lögreglan á höfuðborgarsvæðinu stöðvaði kannabisræktun á þremur stöðum á höfuðborgarsvæðinu í gær.

Við húsleit síðdegis í fjölbýlishúsi í miðborginni fundust um 25 kannabisplöntur á ýmsum stigum ræktunar auk lítilræðis af öðrum fíkniefnum. Tveir karlmenn á þrítugsaldri játuðu aðild sína.

Þá fann lögreglan kannabisræktun á tveimur stöðum í Hafnarfirði í gærkvöld. Á öðrum var lagt hald á um 20 kannabisplöntur sem voru á lokastigi ræktunar. Tveir karlmenn og ein kona voru flutt á lögreglustöð og yfirheyrð í tengslum við rannsókn málsins.

Á hinum staðnum í Hafnarfirði var um minna magn að ræða en þar var karlmaður á þrítugsaldri handtekinn í tengslum við rannsókn málsins. 

• 1 blogg um fréttina

Bloggað um fréttina

• Sigríður Sigurðardóttir: Flórland?