Launakröfur Kaupþingsstjóra fyrir dóm
Setja bókamerki
Launakröfur þriggja yfirmanna Kaupþings voru teknar fyrir í Héraðsdómi Reykjavíkur í morgun er mál þremenninganna voru þingfest. Um er að ræða kröfu Steingríms P. Kárasonar, fyrrverandi framkvæmdastjóri áhættustýringar Kaupþings og Ingólfs Helgasonar, fyrrverandi forstjóra Kaupþings á Íslandi. Þeir voru báðir handteknir nýverið af embætti sérstaks saksóknara.
Auk þeirra gerir Guðný Arna Sveinsdóttir, fyrrverandi framkvæmdastjóri fjármála- og rekstrar, kröfu í bú Kaupþings.
Helgi Sigurðsson er lögmaður þeirra þriggja en Þröstur Ríkharðsson er lögmaður bankans.
Samkvæmt hádegisfréttum RÚV krefst Ingólfur ríflega 81 milljónar króna vegna þess sem hann kallar vangoldin laun. Þá krefst Steingrímur tæplega 25 milljóna króna. Guðný Arna krefst ríflega 12 milljóna úr búinu.
„Aðför að samfélaginu í heild sinni“
Eldgosinu lokið en getum búist við öðru
Skuldahalinn lengist í Reykjavík
„Miklar líkur á rýmingu á næstu sólarhringum“
Þurfa að taka myndir áður en goslokum er lýst yfir
María Sigrún svarar Degi fullum hálsi
„Hætta á því að það dragi úr samstöðunni“
Mældist á 174 km hraða í gegnum vinnusvæði