„Við erum nýbúnir að fá niðurstöðu úr réttarkrufningu og það er verið að skoða hana. Þannig að þetta er á lokavinnslu hjá okkur. Frá okkur fer málið til saksóknara.“
Þetta segir Daníel Guðjónsson, yfirlögregluþjónn á Akureyri, í samtali við mbl.is spurður um stöðu mála varðandi rannsókn á meintri líkamsárás sem átti sér stað á Hvammstanga 15. júní. Karlmaður lést í kjölfar hennar.
Tveir menn, feðgar, eru grunaðir um að hafa valdið dauða hans. Sæta þeir farbanni vegna málsins.