Einn var fluttur á sjúkrahús eftir eldsvoða í Írabakka í nótt en meiðsl hans eru ekki talin alvarleg. Íbúar hússins fengu ekki að fara í íbúðir sínar að loknu slökkvistarfi og þurftu að finna sér annan næturstað. Eldsupptök eru ókunn, samkvæmt upplýsingum frá lögreglu.
Tilkynnt um eld i þriggja hæða fjölbýlishúsi í Breiðholti skömmu fyrir klukkan hálf tvö í nótt. Eldurinn reyndist í kjallara og anddyri. Er slökkvilið var búið að slökkva var íbúum hjálpað úr íbúðum sínum í strætisvagn er slökkvilið hafði til afnota en íbúar voru flestir komnir út á svalir meðan slökkvistarf stóð yfir.
Eldur í kjallara fjölbýlishúss